Қазақстандық жеңіл атлет Париж Олимпиадасының жолдамасын жеңіп алды

Қазақстандық жеңіл атлет Жанна Мамажанова Роттердамда (Нидерланд) өткен марафонда Париж Олимпиадасының жолдамасын жеңіп алды. Бұл туралы KAZ.NUR.KZ Cпортты дамыту дирекциясына сілтеме жасап хабарлайды.

Жанна жарыс жолын 2 сағат, 26 минут 42 секундта бағындырып, Қазақстан рекордын тіркеді. Cондай-ақ ол биыл Парижде (Франция) өтетін жазғы Олимпиада ойындарына лицензия иеленді.

Айта кетейік, 13-14 сәуір аралығында өткен бұл марафонға 17 мыңнан астам адам қатысты.

Қазір Қазақстан делегациясында 12 спорт түрінен Париж Олимпиадасының 32 лицензиясы (30 спортшы) бар:

• бокс – 7 (ерлер 6, әйелдер 1);
• нысана көздеу – 5;
• садақ ату – 4;
• семсерлесу – 4;
• тас жолдағы велоспорт – 3;
• қазіргі бессайыс – 2;
• таэквондо – 2;
• грек-рим күресі – 1;
• еркін күрес – 1;
• спорттық гимнастика – 1;
• батуттағы гимнастика – 1;
• жеңіл атлетика –1.

Мәтіннен қате тапсаңыз, бізге жазыңыз