Финляндиялық аспаз газдалған сусынды 3 секундта ішіп, рекорд орнатты

Финляндия тұрғыны жарты литр апельсин сусынын небәрі 3,16 секундта ішіп, жаңа әлемдік рекорд орнатты. Бұл туралы UPI-ге сілтеме жасаған KAZ.NUR.KZ хабарлады.

Аспаз болып жұмыс істейтін Финляндия тұрғыны Томи Котилайнен ерекше қабілетінің арқасында Гиннесс рекордтар кітабына ресми түрде енді. Ол көлемі 500 миллилитр болатын апельсин сусынын өте қысқа уақытта ішіп, бұрынғы көрсеткіштерді жаңартты.

Ер адамның айтуынша, ол әрқашан ерекше нәрсемен көзге түсіп, өзінің бірегей қабілетін дәлелдегісі келген. Рекорд орнату әрекетін таймер арқылы нақты уақытты тіркеген сарапшылар бақылады. Котилайнен газдалған сусынды ішкеннен кейін қатты кекіргенін, бірақ бұл нәтижеге қол жеткізуге кедергі келтірмегенін есіне алды.

Жаңа рекордшы қайтадан талпыныс жасаса, дәл осы көлемдегі сұйықтықты одан да тез іше алатынын мәлімдеді. Аспаз жақын арада басқа да сусындарды жылдам ішуге байланысты тағы бірнеше әлемдік рекорд орнатуды жоспарлап отыр. Мұндай рекордты арнайы дайындықсыз қайталауға тырыспаған абзал, бұл денсаулығыңызға қауіпті болуы мүмкін.

Мәтіннен қате тапсаңыз, бізге жазыңыз