Лондонда мысық көршілес үйге кіріп, иттің тамағын жеп қойды

Лондонның оңтүстік-шығысында иттің табағындағы тамақты жегісі келген мысық көрші үйге кіріп кетті. Ит шақырылмаған қонақты қуып шықты, деп жазды UPI-ге сілтеме жасаған KAZ.NUR.KZ.

Ring бейнебақылау камерасына мысықтың ашық жатқан есіктен үйге еркін кіріп, тікелей иттің табағына қарай бет алғаны түсіп қалды. Мысық иттің түскі асын жеп жатқанда, оны кокапу тұқымды Рози есімді үй иті байқап қалды. Баспалдақтан бақылап тұрған ит өз аумағын қорғауға ұмтылып, шақырылмаған қонақты қуып шықты.

Үй иесі Майрон Уоллестің сөзінше, шуды естіген үйдегілер жоғарғы қабаттан түсіп, камерадағы бейнежазбаны қайта қараған. Осылайша у-шуға көршінің мысығы себепкер болғанын түсінген отбасы бір күліп алғандарын жасырмады.

Рози өз тамағын қызғана бермейді, бірақ үйін әрқашан белсенді түрде қорғайды, сондықтан мысық қашып кеткеннен кейін де ол бөлмені ұзақ уақыт тексерумен болды.

Мәтіннен қате тапсаңыз, бізге жазыңыз