Канзаста ағаш басына шығып, бір апта бойы түсе алмаған игуана құтқарылды

Канзас штатының Спринг-Хилл қаласында өрт сөндірушілер биік ағаш басында қалып қойған рептилияны құтқару бойынша ерекше операция өткізді, деп хабарлады UPI-ге сілтеме жасаған KAZ.NUR.KZ.

Тасслхофф атты үй игуанасы иелерінен қашып кетіп, бір аптаға жуық уақыт бойы қайтып оралмаған. Ұзындығы шамамен бір метр болатын рептилияны жергілікті тұрғындар тапты: жануар ағашқа 14 метр биіктікке дейін өрмелеп шыққан.

Қашқынды түсіру үшін құтқарушылар өрт сөндіру автосатысын қолдануға мәжбүр болды. Сонымен қатар өрт сөндірушілер Хилл полиция департаментінен жануарларды ұстауға арналған ілмегі бар арнайы таяқшаны алды.

Өрт сөндіру бригадасы мүшелерінің бірінің рептилиялармен жұмыс істеу тәжірибесі болғандықтан, ол Тасслхоффты ағаш бұтағынан абайлап түсіріп, ешқандай жарақатсыз иелеріне табыстай алды.

Мәтіннен қате тапсаңыз, бізге жазыңыз