Сейшель аралдарындағы алып тасбақалар саны ел халқының санынан асып түсті

Альдабра атоллында ғалымдар 183 мыңға жуық алып тасбақаны санады, бұл Сейшель аралдарының бүкіл халқынан көп, деп жазды People басылымына сілтеме жасаған KAZ.NUR.KZ.

Зерттеушілер Альдабра атоллындағы алып тасбақалар популяциясына ауқымды қайта бағалау жүргізді. Бұл аумақта 183 мыңға жуық ересек және жас тасбақа мекендейтіні анықталды.

Жаңа көрсеткіш бұрынғы 100 мың тасбақа көрсеткішінен айтарлықтай асып түседі, алайда жұмыс авторлары бұл санның күрт өсуі емес, санау әдісінің дәлірек болғанына байланысты екенін атап өтті. Бұған дейін көптеген жануар қалың өсімдік пен көлеңкеге байланысты байқалмай қалған еді.

XIX ғасырда бақылаусыз кәсіпшіліктің салдарынан Альдабрадағы алып тасбақалар саны бір мыңнан аз мөлшерге дейін қысқарды. Атолл қатаң табиғи қорық деп жарияланып, кейін ЮНЕСКО-ның Дүниежүзілік мұра тізіміне енгізілгеннен кейін жағдай өзгерді. Қазіргі уақытта популяция тұрақты деп бағаланып, жойылу қаупі ендігі төніп тұрған жоқ.

Саны қалпына келгеніне қарамастан, бауырымен жорғалаушылар жаңа қауіптерге тап болуда. Ұзаққа созылған құрғақшылық азық саны мен мекендеу жерін азайта түсуде, мұхит деңгейінің көтерілуі атолдың ойпатты аймақтарына қауіп төндіреді, ал жабайы мысықтар мен қара егеуқұйрықтар жұмыртқалар мен жас тасбақаларды жойып жатыр.

Мәтіннен қате тапсаңыз, бізге жазыңыз