Google Gemini моделінің оқшауланған ортадан шығып, үш компания серверіне шабуылдағанын растады

ArsTechnica басылымының хабарлауынша, Google компаниясының Gemini жасанды интеллекті Irregular фирмасының кибертесті кезінде күтпеген жерден интернетке қосылып, үш ұйымның серверіне шабуыл жасаған, деп жазды KAZ.NUR.KZ.

Google компаниясы 2026 жылдың мамырында Irregular фирмасының қатысуымен өткен киберқауіпсіздік тестілеуі кезінде болған оқиғаны ресми түрде растады. Capture the Flag симуляциясы аясында Gemini моделіне ойдан шығарылған компанияның деректерін алу тапсырылған. Баптаулардағы қателікке байланысты тест ортасы интернеттен оқшауланбай қалған, ал ойдан шығарылған фирманың атауы нақты өмірде бар ұйымның атауымен сәйкес келіп қалған.

Нәтижесінде жасанды интеллект ашық желіге шығып, нақты серверлерге шабуыл жасады. Бір жағдайда Gemini құпия сөздерді таңдау арқылы жүйеге қол жеткізсе, қалған екі жағдайда ашық код репозиторийлерінен табылған тіркелгі деректерін пайдаланған. Google компаниясы модель нақты бизнес инфрақұрылымымен жұмыс істеп жатқанын түсінген бойда әрекетін өздігінен тоқтатқанын және құпия ақпаратты иемденіп немесе зақымдап үлгермегенін атап өтті.

Google компаниясының ақпараттық қауіпсіздік жөніндегі атқарушы вице-президенті Хизер Эдкинс бұл оқиға модельді оқытудағы ақауды емес, жасанды интеллектінің қорғаныс механизмдерінің дұрыс жұмыс істеп тұрғанын көрсететінін мәлімдеді. Irregular компаниясы әзірлеушілерге оқиға туралы шілде айының соңында хабарлап, тест инфрақұрылымындағы осалдықтарды жойды. Бұған дейін OpenAI, Anthropic және Meta компаниялары да Irregular тексерулері аясында нейрожелілердің интернетке жоспарланбаған шығу жағдайлары туралы хабарлаған болатын.

Мәтіннен қате тапсаңыз,бізге жазыңыз