Google өзінің CC ЖИ агентін алты адамға арналған отбасылық көмекшіге айналдырды

Компания эксперименталды CC жасанды интеллект агентін қолжетімді етті. ArsTechnica жазуынша, оны бір отбасының алты мүшесі бір уақытта пайдалана алады, деп хабарлады KAZ.NUR.KZ.

Google эксперименталды CC жасанды интеллект агентінің отбасылық нұсқасын қолжетімді етті. Сервис бір отбасындағы алты адамның деректерін біріктіруге мүмкіндік береді. Әрбір қолданушы агентке қандай ақпаратқа қолжетімділік беру керектігін өзі анықтайды. Жүйе алынған мәліметтерді талдап, Your Day Ahead жиынтығын қалыптастырады, сондай-ақ ортақ күнтізбелер мен тапсырмалар тізімін жүргізеді.

Google Labs өнім жөніндегі аға менеджері Том Шейннің айтуынша, аккаунттарды біріктіру функциясы пайдаланушылар тарапынан ең жиі түскен сұраныс болды. Агент бұрын отбасы мүшелерінің жеке пошта жәшіктерінде жоғалып кететін мектеп кестелерін, спорттық жаттығуларды және ветеринарға бару уақытын қадағалауға көмектеседі.

Агент өзінің расталған Google аккаунтын алды. Бұл оған хат алмасулар мен чаттарда жеке қатысушы ретінде әрекет етуге мүмкіндік береді. Қолданушылар белгілі бір жіберушілерден, мысалы, мектептерден немесе авиакомпаниялардан келетін хаттарды автоматты түрде өзгеге бөлісуді реттей алады, сондай-ақ жасанды интеллектке шақыру қағаздарының немесе спорттық кестелердің фотосуреттерін жібере алады.

CC Gemini модельдері мен Antigravity платформасы негізінде жұмыс істейді. Агент PDF форматындағы құжаттарды толтыруға, Google Maps картасында бағыттар құруға және апталық мәзір жасауға қабілетті. Бұл ретте деректер жалпы отбасылық және жеке болып бөлінеді.

Жоба желтоқсан айында жеке құрал ретінде басталып, мамыр айында Gemini қосымшасында Daily Brief атауымен пайда болды. Қазіргі уақытта отбасылық нұсқа АҚШ-та веб-сайтта және 18 жастан асқан қолданушыға арналған мобильді қосымшада қолжетімді.

Мәтіннен қате тапсаңыз,бізге жазыңыз