Әйелінің опасыздығын робот-шаңсорғыш арқылы әшкерелемек болған Италия азаматы опық жеді

Италия тұрғыны әйелінің өзге адаммен төсек қатынасына түскенін робот-шаңсорғыш арқылы жасырын видеоға түсіргені үшін сот алдына келді. Бұл туралы People басылымына сілтеме жасаған KAZ.NUR.KZ хабарлайды.

Ер адам әйелінің опасыздық жасап жүргеніне күдіктенген. Ол робот-шаңсорғышты жасырын түсірілім жасау үшін пайдалануды ұйғарып, құрылғыны телефондағы қосымша арқылы іске қосқан. Біраз уақыттан кейін ол жазбаларды қарап шықты. Нәтижесінде әйелінің басқа ер адаммен төсектес болған сәті видеоға түсіп қалған.

Ашуға берілген күйеуі жағдайды жеке өзімен талқылаудың орнына, қолға түскен кадрларды ажырасу процесінде дәлел ретінде пайдалануды жөн көреді.

Алайда бұл қадамы оған қиындықтар әкелген. Әйелі жасырын түсірілім туралы білгеннен кейін полицияға жеке өмірге қол сұғушылық және заңсыз бақылау жасағаны үшін оның үстінен арыз түсірді. Италия соты әйелдің жағына шықты. Сот тұрғын үй-жайда камераларды жасырын орнатуды заңсыз деп таныды.

Нәтижесінде ер адам қатысушының келісімінсіз заңсыз бейнетүсірілім жасағаны үшін кінәлі деп танылды. Сот оны шартты түрде бас бостандығынан айырып, жәбірленуші тарапқа ақшалай өтемақы төлеуге міндеттеді. Сондай-ақ бейнежазбаларды жою туралы шешім шығарды.

Мәтіннен қате тапсаңыз,бізге жазыңыз