"Осы жердің үлкен ханымы сияқты": әлемдегі ең кәрі горилла 69-ға толды

Әлемдегі ең кәрі горилла Германиядағы хайуанаттар бағында өмір сүреді. Фату биыл 69 жасқа келді, деп хабарлайды 24KZ-ке сілтеме жасаған KAZ.NUR.KZ.

Хайуанаттар бағының аға кураторы Дженнифер Ханның айтуынша, Фату әлемдегі ең егде горилла саналады. Бұл – ресми мәлімет. Ол Гиннес рекордтар кітабына енгізілген.

"Ұзақ жасауға тегі де, жағдай да үлкен маңызға ие. Бұлар да адамдар сияқты ғой", - дейді ол.

Алайда жасы ұлғайған сайын Фатудың отырып-тұруы баяулап, ауру-сырқауы да көбейе түскен.

"Фату жақсы өмір сүріп жатыр. Таңертең ерте оянады. Ұйқысы сергек. Ол осы жердің үлкен ханымы сияқты. Бірақ аузында тістері қалмаған. Жүрісі баяулады. 5 минут жүрсе, қалжырап, тоқтап, дем алып алады. Кейде қалтырап кетеді. Тамақты пісіріп береміз", - дейді хайуанаттар бағының қызметкері Леннард Гаудиан.

Телеарнаның мәліметінше, жабайы табиғатта гориллалар әдетте 35 жыл ғана өмір сүреді. 

Мәтіннен қате тапсаңыз, бізге жазыңыз