Ертіс орманы аумағында жүнінің түсі өзгеріп тұратын ерекше жануар көзге түсті (фото)

Ертіс орманы аумағында жоңғар атжалманы көзге түсті, деп хабарлайды табиғи резерваттың әлеуметтік желідегі парқашасына сілтеме жасаған KAZ.NUR.KZ.

"Ертіс орманы" МОТР РММ аумағында ғылым және мониторинг бөлімінің мамандары қысқы аппақ реңдегі жоңғар атжалманын (Phodopus sungorus) байқаған.

Даланың бұл кішкентай мекендеушісі жүнінің түсін өзгертуге қабілеттілігімен танымал: суық түскенде оның сұрғылт-қоңыр реңі ақ түске айналып, қарда жыртқыштардан жасырынуына көмектеседі.

"Ерекше әрі қызықты жайт – жануардың орман алқабында көзге түсуі. Бұл табиғаттың тосын сыйларға толы екенін, ал жануарлардың әртүрлі жағдайларға бейімделіп, жаңа ортаға икемделе алатынын дәлелдейді", - делінген хабарламада.

Мәтіннен қате тапсаңыз, бізге жазыңыз