Қазақстандық боксшы Париж Олимпиадасында алғашқы қарсыласына есе жіберді
Жарияланған күні:
Қазақстандық боксшы Валентина Хальзова Париж Олимпиадасында алғашқы жекпе-жегінде жеңіліп, жарыстан шығып қалды. Бұл туралы KAZ.NUR.KZ тілшісі хабарлайды.
75 кг салмақ дәрежесінде сынға түскен Валентина Хальзова 1/8 финалда Панама өкілі Атейна Билонмен жұдырықтасты. Бұл жекпе-жекте төрешілер жеңісті панамалық боксшыға берді (4:1).
Айта кетейік, тағы бір қазақстандық боксшы қыз Назым Қызайбай (50 кг) Париж Олимпиадасындағы алғашқы жекпе-жегінде 2022 жылғы Еуропа чемпионатының күміс жүлдегері италиялық Джордана Соррентиноны төрешілердің бірыңғай шешімімен жеңген еді.
Бокстан Қазақстан ерлер құрамасынан Асланбек Шымбергенов (71 кг), Қамшыбек Қоңқабаев (+92 кг) және Махмұд Сабырхан (57 кг) Олимпиаданы аяқтады. Ал Сәкен Бибосынов (51 кг), Мұхаммедсабыр Базарбайұлы (63,5 кг), Нұрбек Оралбай (80 кг), Айбек Оралбай (92 кг) ширек финалға шықты.
- Қазақстандық гимнаст Париж Олимпиадасының финалында соңғы орын алды
- Париж-2024: қазақстандық спортшы Кирилл Герасименко ширек финалға өте алмады
Мәтіннен қате тапсаңыз, бізге жазыңыз
Оригинал статьи: https://kaz.nursport.kz/olympiad/2142801-qazaqstandyq-boksshy-parizh-olimpiadasynyng-shirek-finalyna-shyga-almady/